بوابة الوطن المصرى أجرأ موقع عربى
خاص – بوينس ايريس لـ ” الوطن المصري
تشهد انتخابات مجلس ادارة اتحاد الصيادلة الدولى “FIB“، لأول مرة ترشيح الدكتور وائل على صيدلى مصرى، لعضوية المجلس، ممثلا عن الشرق الأوسط وإفريقيا.
أكد الدكتور وائل على في تصريحات خاصة لـ ” الوطن المصري ” إن ترشحه لهذا المنصب بدأ بعد عمله بقسمHealth and medicine information sector، المسئول عن الصحة العامة للمواطنين ضد الأمراض المستوطنة، مشيرا إلى أن اختياره لهذا القسم جاء بسبب إصابة ١٦مليون مريض بفيروس سى فى مصر، وبعض الأمراض المستوطنة، للاستفادة من خبرات دول مثل اليابان وحلها لمشكلة الفيروس.
وقال ” هحكيلكم الاول القصة بدأت منين وبعدين احكيلكم أهمية المنصب ده فى ايه
الاول شعورى انى مينفعش اكون فرد فى المنظومة الطبية فى بلد فيها ١٦ مليون مريض بفيروس سى وأمراض مستوطنة واحط ايدى على خدى ومعملش حاجة لوطنى وكمان هقول لربنا ايه ده كان الوازع الرئيسى انى اشتغل فى قسم مهم جداً فى الفيب اسمه
Health and medicine information sector
باختصار القسم ده مسئول عن حاجات كتير من أهمها
public health وهى الصحة العامة للناس وضد الأمرض المستوطنة اشتركت عشان أستفيد من الناس بره ومن تجاربهم وازاى مثلا اليابان حلت مشكلة الفيروس عندها وكمان
الـ medicine information ده مش pharmacoviglance بس
لا دي قصة كبيرة هحكيها بعدين .. شاركت بأبحاث ومشاركات كتير فى القسم وغيره وكان دايما محل تقدير واحترام وكمان اهتمام من الزملاء الصيادلة حول العالم .
والفيب بيتكون من الأقسام الآتية اللى هى المفروض كل الأقسام اللى ممكن يشتغل فيها الصيادلة
وكل قسم ليه مجلس أعلى وهو ده اللى بيكون بشكل عام المجلس الأعلى للفيب او اللجنة التنفيذية العليا اللى بنسميه البورد
Academic Pharmacy
Clinical Biology
Community Pharmacy
Health and Medicines Information
Hospital Pharmacy
Industrial Pharmacy
Military and Emergency Pharmacy
Social and Administrative Pharmacy
ترشيح الفيب بيختار الأول اكتر الأسماء اللى شايفنها ليها تأثير فى المجال الطبى والصيدلى على مستوى العالم وبيبدأ يعمل الnomination وده اللى حصل معايا والحمد لله
وبعدين المرحلة الأهم هى الانتخابات وهى دي اللى هتقام ان شاء الله يوم الثلاثاء اللى جى 30/8
من الساعه ١١ لـ٢ الضهر بتوقيت الأرجنتين فى قاعه الموتمرات الرئيسية فى بوينس إيريس –
أهمية المنصب ده ان الحمد لله لم يتم فى التاريخ ترشيح مصرى لهذا المنصب مجرد ترشيح فَلَو ربنا كرمنا هيبقى اول مصرى يحكم الشرق الأوسط وإفريقيا مدة المنصب اربع سنوات ٢٠٢٠/٢٠١٦
Section ExCO 2016-2020):
30 August from 11.00 – 14.00 hours, room: Quebracho A
ده اسم القاعه اللى هيحصل فيها الانتخابات اتمنى ان كل المصريين اللى هيسافروا يكونوا معايا بعد ربنا هناك والمصريين هنا يدعولنا ان ربنا يكرمنا ونرجع بحاجة لاهلنا ولهذا الوطن
