بوابة الوطن المصرى أجرأ موقع عربى
رقم الـ 500 مليون دولار اللي خصصه الرئيس عبد الفتاح السيسي لإعادة إعمار غزة ، هيعود على الإقتصاد المصري عشر أضعاف ، ولكن فوائده للأمن القومي المصري ربما تقدر بعشرات المليارات ، وتقدر تقول إن فوائده من الناحية دي لا تقدر بثمن … إزاي_هشرح_لحضرتك :
أولاً المبلغ ده مش هنسلمه نقداً لقيادات حماس أو قيادات رام الله ، لكن ده هتاخده شركات مصرية تشتغل بيه هناك ، والمبلغ ده هيكون بداية لعدة مليارات سوف تخصصها دول أخرى لإعادة الإعمار في غزة منها دول أعلنت ده زي فرنسا وألمانيا ودول الخليج والمغرب .
وطبعاً لما الشركات المصرية هي اللي هتبتدي الشغل مفيش شركات من دول تانية هتقدر تحط رجلها في غزة ، خاصة والجغرافيا جعلتنا نحن الأقرب ، ومفيش شركة هتقدر تدخل غزة إلا عن طريق مصر والحدود المصرية … وده معناه إننا هنشغل شركات المقاولات بتاعتنا وشركات الحديد والأسمنت ومواد البناء في عقود بعشرات المليارات ، وده معناه عوائد على الإقتصاد المصري برضه بعدة مليارات من الدولارات .
دي الفوائد الإقتصادية …
أما عن الفوائد الإستراتيچية … فحدث ولا حرج .
وجودك هناك كشركات وكدولة هيقطع رجل كل أجهزة الإستخبارات الإسرائيلية والغربية والتركية والإيرانية اللي شغالة من سنوات في غزة ، وهنقدر نأمن تماماً حدودنا الشرقية ، وهنقدر نقطع تماماً دابر الإرهاب اللي بيجيلنا من الشرق ، زي ما قدرنا من غير طلقة واحدة نقطع رجلين تركيا من ليبيا ، ونجبرها على إنها تلم تعابينها من هناك ، وتحمل عصاها وترحل بجملة واحدة في خطاب للسيسي وضع فيها لتركيا خط أحمر ، وبعدها خلينا كل ليبيا خط أحمر ، وخلينا حكومة طرابلس نفسها بتقول لتركيا إنسوا كل الإتفاقيات اللي عملتوها مع حكومة السراج ولموا مرتزقتكم ويلا مع السلامة . بالقرار_ده_هتبقى_غزة وفلسطين_كلها_خط_أحمر_للأمن_القومي_المصري
فبلاش حكاية وإحنا مالنا بغزة ، خليك ناصح وبص لقدام وبلاش تبص تحت رجليك … فكر الأول وافهم مغزى كل قرار ح ترتاح ، وهتفهم إن السيسي ده معلم .
السيسي هبة الله لمصر
