بوابة الوطن المصرى أجرأ موقع عربى
كتب – رامى جوهر
خرج الإعلامى عمرو أديب عن شعوره داخل الاستوديو بعد تعادل الزمالك مع الإنتاج الحربى وقام فى الكواليس بلطم خديه حزنا على البداية غير السعيدة للزمالك فى أول مباراة له فى الدورى العام تحت قيادة مدربه الجديد .
عمرو وبلهجة ساخرة قال :”لا ديمقراطية نافعة ولا حاجة وبديتها الزمالك بتعادل وبكرة الأهلى يلعب هتلقيه يرزع 4 فى أول مباراة ويقولك روح الفنلة الحمراء..واحنا هنفضل كدا على طول يا جماعة أحنا عوزين نتغير بقا وحاجة تتغير فى البلد ويبقا فيها شوية ديمقراطية والزمالك ياخد الدورى”.
وأضاف “أديب”، خلال تقديمه برنامج “كل يوم”، المذاع عبر فضائية “ON E“، وراديو نغم “FM“، أنه يرغب فى بعض التغيير على المستوى الرياضى مثل تراجع النادى الأهلى فى الدورى المصرى، وتابع:” احنا فى نفس المشاكل لينا 30 سنة وهم نفس العدد اللى موصلناش لكأس العالم..أنا دلوقتى عندى 54 منهم 30 سنة الحال هو هو.. يعنى منرحش كأس العالم 30 سنة والزمالك ميخدش الدورى 30 سنة والأهلى يغلب الزمالك 30 سنة”.
