خبير مصرفي يؤكد الدهب نازل أكثر من ألف جنيه والدولار يعود إلي رشده 

كلاكيت تانى مرة نزول عنيف فى اسعار الذهب

جنون الذهب ودولار السوق السوداء بس المرة دى السعر نازل هو ايه اللى بيحصل بالظبط

هل السبب هو قلة الطلب على الذهب مع تزايد المعروض منه  لا طبعا ماحصلش الكلام ده خالص زى ما قولنا المرة السابقة الموضوع ليس له علاقة باليات العرض والطلب تماماً ولا حتى الاسعار العالمية للذهب❗️امال فى ايه والكلام ده بيحصل ليه⁉️ تعالوا نشوف السعر العالمى النهاردة ومن شهرين او ثلاثة اشهر فاتوا هتلاقى ان الاسعار العالمية للذهب زى ماهى بتتحرك بين💰 1950$ للأونصة وبين 2050$ للأونصة يعنى بنتكلم فى قصة💰 100$ طالع ونازل بينهم مع العلم ان السعر العالمى النهاردة مسجل 2037$ للأونصة يعنى الطبيعى فى تحرك السوق .

فاكرين لما قولنا القصة هتنتهى امتى ❓وقولنا لما الدولار يتم السيطرة عليه وعلى التلاعب فى الاسعار لان كل الاسعار دى مش حقيقية ولا تمثل الواقع والدليل على كده الاسعار العالمية اللى احنا سوق محلى ملناش علاقة بيها إلا ان التاجر خايف ما يعرف يدبر دولار مستقبلا فيضطر يشتريه من السوق السوداء بسعر اكتر من 70 جم كمان فيعمل حسابه من دلوقتى .

وقولنا ان الخوف بقا على الناس اللى عاوزة تشترى دلوقتى علشان تركب الموجة او عاوزة تحافظ على قيمة فلوسها وبتسأل نشترى ولا نعمل ايه❓

زى ما قولت المخاطرة فى الشراء عالية جدا لان الذهب فى اعلى نقط له وممكن ينزل فى اى وقت ب1000 جم خلال يوم او يومين وما تعرفش تبيع وتسترد فلوسك 👌

وهو ده اللى بيحصل بالظبط حاليا انخفاض اسعار الذهب ب 1000 جم او اكثر كمان خلال ايام قليلة جدا قادمة .

زى ما قولت اللعبة لها نهاية واكيد الدنيا مش هتظل على كده لان دايما هناك قاعدة بعد كل ارتفاع فى اى شى لابد من انخفاض آخر قادم لها وخصوصا اللعبة كانت بدون قوانين مقبولة وكانت كلها عبارة عن مضاربات وتلاعب فى الاسعار

انتبه وخد بالك

بقلم : الخبير المصرفي وليد عادل