نيللي كريم : كان نفسي أكون “ست قوية ومفترية”.. وبحب كريم جداً

الوطن المصرى – عبير فودة

بصراحتها المعهودة أكدت النجمة نيللى كريم إن كل شخصيات مسلسل «ضد الكسر» الناس حبتها وكرهتها وده بيحصل في الدراما .

وأضافت نيللى كريم خلال استضافتها وأبطال مسلسل «ضد الكسر» ضيوفا مع الإعلامية منى الشاذلي في برنامج «معكم» المذاع على قناة cbc، قائلة : «كل شخصيات المسلسل الناس حبتها وكرهتها وده بيحصل فى الدراما لأن أنا شايفة إن كل شخصية لها طموحات وأى واحدة لو لم تصل إلى النجاح اللى عوزاه بيكون جواها حقد وغل لازم يطلع».

وتابعت نيللى كريم: «أنا عجبتنى جدا شخصيتي في مسلسل ضد الكسر لأنها ست قوية ومفترية وأنا كان نفسي أكون كدة في الحقيقة، عشان لازم العواطف متكسرش حد عشان نكمل الحياة، فأنا شايفة إن هي الشخصية الصح لأن الضعيف بيداس عليه».

وعن تعاون نيللى كريم مع النجم كريم عبد العزيز قالت: «أنا بحب كريم جدا واشتغلنا مع بعض في جزئي فيلم الفيل الأزرق، وكمان صورنا مشاهدنا في حفل المومياوات في نفس الوقت في الأقصر، وبهنيه على مسلسل الاختيار 2، كان مسلسل قوي جدا ورائع، ومن المسلسلات اللى توجع القلب».

مسلسل «ضد الكسر» تم عرضه في شهر رمضان الماضى، تأليف عمرو الدالي وإخراج أحمد خالد وبطولة نيللي كريم، محمد فراج، لقاء الخميسي، تار عماد، مصطفى درويش، هشام إسماعيل، وحمزة العيلي، سينتيا خليفة، لؤى عمران، تامر هشام، نور إيهاب، سامى مغاوري، رمزي العدل، أحمد أبو زيد، نهير أمين، جمال يوسف، محمود السويسي، منا عادل