بوابة الوطن المصرى أجرأ موقع عربى
بقلم – مينا غالي
انت عارف مشكلة الصهاينة مع مصر ايه ؟
ان جيشها هو شعبها.. اه والله زي مابقولك كده .. ده الخازوق الكيير اللي واقفلهم في زورهم ومش لاقيين حل ليه لحد دلوقت.
غير الجيش المصري النظامي المعروف .. يوجد جيش خفي أقوي بكتير وهو الشعب.
خطوة هزيمة الجيش المصري ممكنة بقوتهم العسكرية وتحالفاتهم الكبرى والدعم الاقتصادي غير المحدود لديهم من دول مفروض انها شقيقة ( عالورق ) لكن وبعدين ؟
هنعمل ايه في الـ ١١٠ مليون اللي قاعدين عالارض ومستنيين يلمحوا حد غريب ؟
هننزلهم ازاي عالارض ونقسم بلدهم من غير مايقومونا ؟
هنا العقبة الكبرى عندهم انت عشان تحتل مصر وتنفذ مخططاتك معندكش غير حل واحد فقط بعد هزيمة الجيش وهو ابادة الشعب المصري بالكامل ومن ضمن اساليبهم لتحقيق ده خلق فتن داخلية ونزاعات بين الشعب وتفكيكه واضعافه عشان يخلص على نفسه وده اللي حصل مع كل دول الجوار للأسف وشغالين علينا بيه حاليا.
جبهة داخلية مفككة يعني سقوط الدولة.
جينات الشعب المصري لاتقبل بالانهزام ولا الاحتلال ولا متر واحد من ارضنا يتاخد غصب ولا تقسيم ولا خضوع الا لله وحده.
ماعندهمش غير اللعب عالجبهة الداخلية فقط طول ما الشعب ايد وحدة والله ولا الدنيا بحالها تقدر علينا.
الجيش المصري على ارض الواقع قادر يمسح الكيان في ليلة وضحاها.
لكن الدعم اللي هيجلهم من القريب قبل الغريب سواء مادي او عسكري ملهوش حدود ومصر اقتصادها لا يتحمل حروب للأسف وصدقني مش هتلاقي بلد وحدة من اللي عاملين نفسهم اشقاء يدعمك بجنيه.
اقوى سلاح حاليا هو الاعلام والتوعية لكن للأسف دور الاعلام عندنا ضايع ومش فالحين غير في الهلس والترندات والهيافة.
