الرئيس : إن الله لا يصلح عمل المفسدين.. واحنا أن شاء الله مُصلحين”

الرئيس لـ قوى الشر : الوجه الظاهر اللى بتعلنوه للناس “التغيير”.. لكن الوجه الخفى هو تدمير الأمة

اشقاء لينا وقفوا جنبنا ليهم كل التحية .. وآخرين فمن فضلكم كفوا ألسنة الكذب والتشكيك عنا وخلوا الأموال اللى ربنا رزقكم بيها للبناء والإصلاح

كتب – خالد عبد الحميد

أكد الرئيس عبدالفتاح السيسى، أن الهدف من تعليقاته خلال افتتاحات المشروعات التنموية، هدفها تثبيت الوعى والفهم لدى المصريين، مضيفا: “علشان يفضلوا الجهد والضغط اللى احنا بنعمله، مش هنقدر نطلع من اللى إحنا فيه غير بكده، غير بإن احنا نفضل نشتغل ونضحى”.

وأضاف الرئيس خلال افتتاح عدد من المشروعات التعليمية فى برج العرب بالإسكندرية: “أوعوا تفتكروا أن احنا نعبرها بشكل تانى إحنا معندناش ثروات تغطى تكاليفنا إحنا عندنا عقول ناس وإرادة شعب عاوز يغير من واقعه إلى مستقبل افضل وعندنا تحدى لتيار متصور أنه ممكن يغير علشان يمسك ويعمل دولة على أد عقلهم دولة ذات توجهات إيه، الدولة فيها مشاكل فوق الخيال جايين تكملوا عليها!!..الوجه الظاهر اللى بتعلنوه للناس “التغيير” لكن الوجه الخفى هو”التدمير” تدمير الأمة وتضييعها وتخريب الناس واعادة المعسكرات واللاجئين ده احنا نمنا 60 سنة مش عارفين نعدى اللى احنا فيه، عاوزين تهدونا علشان نقعد 150 سنة، خالى بالكم مش هيبطلوا..ده الجميل اللى بيترد للمصريين للى عملوه من 100 سنة اول مرة أكون بتكلم كده، أول مرة فيه اشقاء لينا واقفوا جنبنا ليهم كل التحية والاحترام اما الاخرين فمن فضلكم كفوا ألسنة الكذب والتشكيك عنا وخلوا الأموال اللى ربنا رزقكم بيها للبناء والإصلاح مش لينا ليكم انتوا بفضل الله سبحانه وتعالى كل شئ جميل لبلدنا لما الدنيا هتحتار فى اللى احنا بنعمله هيقولوا بيتعمل ازاى؟، بيتعمل بالله أن الله لا يصلح عمل المفدسين واحنا أن شاء الله مصلحين”.