بوابة الوطن المصرى أجرأ موقع عربى
كتبت – ناريمان خالد
دعا الرئيس السيسى، وسائل الإعلام وجموع المصريين للتصدى لمحاولة الإساءة للجيش والشرطة، قائلا: “دى بتساوى عندى دلوقتى خيانة عظمى”، لا يليق بأن تسمحوا للإساءة للجيش والشرطة، لو حد إساءة للجيش والشرطة ده فى الاخر بيسئ لكل المصريين وهنا مابقتش حرية رأى ليك وجهة نظر، مش هاحسبك عليها، لكن لما تخلى وجهة نظرك صيغة تطلعها للناس تسئ بيها للمصريين، لأ بقا كلكوا تتصدوا بقا مش أنا.. أنا بقول بصراحة، يعنى الأم اللى قدمت ابنها والزوجة اللى قدمت زوجها تقول أيه لما تشوف إساءة للجيش والشرطة، يعنى ده الثمن، أنتوا شايفين أن المقابل اللى تقدموه لأبناءكم الشهداء والمصابيين”.
واستطرد الرئيس السيسي حديثه: “إذا كان ده مش واصل للناس، أتصور أن التعليم والإعلام والثقافة محتاج يراجع نفسه، لكن الإجراءات القانونية، ولا حد يسئ للجيش والشرطة وأنا موجود هنا، الاساءة للجيش والشرطة وأنا موجود لأ لأ، والله العظيم مش عاوز أقول الجيش عمل أيه فى السبع سنين اللى فاتوا، علشان مايصحش أقول كده، واللى عمله وبيعمله مع الشرطة أجرهم فيه على الله سبحانه وتعالى، مش هأقول يكتب فى التاريخ بحروف من نور، لكن أرجو من الإعلام أن يساعدنا ويتصدى من غير ما نقوله المطلب ده تانى، الأمر ممكن يكون محتاج جهد مننا، وخلوا الناس تطلع الجبهة علشان يشوفوا ايه اللى بيحصل ويخشوا عند العمليات يشوفوا الناس بتموت إزاى، علشان تشوفوا ولاد مصر بيقدموا أرواحهم علشانكم أنتم، علشان البلد تبقى أمان وسلام ومحدش يروع حد، ولا يليق الإساءة لهم، ولن أسمح به، وأقول للإعلام وأجهزة الدولة بالتصدى لهذا النوع من الإساءة بالقانون، وتساوى بالنسبة لى خيانة عظمى”.
