بوابة الوطن المصرى أجرأ موقع عربى
الوطن المصري – عبير فوده
يستعد النجم أحمد داود لخوض تجربة جديدة بعيدا عن التمثيل، وذلك من خلال الظهور كمقدم لبرنامج الكونتينر المقرر إطلاقه قريبا على قناة ON.
ويستعرض الفنان أحمد داود من خلال برنامج الكونتينر، الثورة الصناعية التى أحدثتها مصر فى الخمس سنوات الماضية، وذلك من خلال زيارة مصانع مصر فى مختلف المحافظات ليرصد تطور الصناعات المصرية.
وفى أول تعليق له قال أحمد داود: “تجربة جديدة أول مرة أعملها.. وعلشان أنا أصلا مهندس ميكانيكا تحمست جدا من أول ما عرفت الفكرة.. ومكنتش مصدق كم المصانع اللى عندنا والتطور اللى حاصل فيها وكمية المنتجات اللى بنصدرها.. حاجة فعلا لازم كل الناس تعرفها.. وأنا بصور البرنامج تحمست جدا للشغل والإنتاج عموما مهما كان مجال شغلك إيه.. وكمان زود عندى الأمل والتفاؤل”.
وواصل أحمد داود: “أتمنى يحصل كده مع كل اللى هيشوف برنامج الكونتينر الموسم الأول منه قريبا جدا.. أتمنى يعجبكوا ويبسطكوا ويديكوا شوية أمل زى ما حصل معايا وأنا بصوره.. وشكرا جدا لكل القائمين على خروج البرنامج فى أحسن صورة لحضراتكم”.
