بوابة الوطن المصرى أجرأ موقع عربى
شن رواد مواقع التواصل الاجتماعي، هجوما حادا على الناشط اليساري جمال عيد الشهير بـ “جمال سفارات” ، بسبب تدويناته الأخيرة التي اعتبرها البعض محاولة لهدم الدولة، والتقرب إلى جهات معادية.
وقال أحد المشاركين “أنت ليه فخور كدة بأنك واحد من شلة ليلى سويف وبناتها والرفيقة منى مينا.. على فكرة كنا بنتعلم زمان إن مهم جدا اختيار الرفيق قبل الطريق.. على فكرة الناس دي ممكن يبقوا زمايلك على القهوة .. لكن دول عمرهم ما هيبقوا ناس يعتمد عليهم في بناء الدول .. دول آخرهم زي حضرتك كدة بالظبط فتي وهري على العالم الافتراضي بتاعكوا المسمى (فيس بوك) علشان تتكلموا اللينكات اللي بناء عليها يتحاسبوا بالدولار”.
وقال مشارك آخر موجها كلامه ل جمال عيد “بالنسبة للجو الكئيب اللي أنت بتقول عليه موجود في مصر أحب أبلغك إن الحمد لله بالنسبة للي بيحصل حوالينا فاحنا في تقدم.. والمستقبل إن شاء لينا .. لكن أمثالك ما يعجبهمش الكلام ده لأن حضرتك وشلتك وأمثالك وعينتك لازم يبقوا عايشين في أشباه الدول عشان يعرفوا يسترزقوا”.
وقال ثالث “نصيحة لمستر جمال عيد ” لو مصر مش عجباك اتفضل بالف سلامة حصل لينا بنتك ومامتها طالما معاك الجرين كارد وتقدر تروح أمريكا في أي وقت.. لكن طبعا هناك مش هتعرف تترافع عن تجار مخدرات وإرهابيين فأكيد يا عيني حسابك البنكي هيقل.. فمش هتلاقي غير سبوبتك القديمة وهي مهاجمة مصر تاني طبعا لكن الفرق إنك هاتكون من الخارج وقاعد مع شلة تانية من صحابك برضه زي بهي الدين حسن وعمرو اكد”.
